पूर्व अर्थमन्त्री भरतमोहन अधिकारीको निधन

काठमाडौं, फागुन १८ : पूर्व अर्थमन्त्री भरतमोहन अधिकारीको निधन भएको छ ।

८२ वर्षिय अधिकारीको हृयाम्स अस्पतालमा उपचारका क्रममा शनिबार राति ९ वजेर ५० मिनेट जादा निधन भएको हो ।अधिकारीको पार्थिव शरीर अन्तिम श्रद्धाञ्जलीका लागि भोलि आइतबार विहान ९ बजेदेखि १२ बजेसम्म पार्टी कार्यालय धुम्बाराहीमा राखिने भएको छ ।

राजधानीको हृयाम्स अस्पतालमा उपचाररत अधिकारीको महत्वपूर्ण अंगहरुले काम गर्न छाडेकाले बचाउन सक्ने सम्भावना न्यून रहेको उपचारमा संलग्न चिकित्सिकहरुले यस अघि बताएका थिए ।

पूर्वमन्त्री अधिकारीको तीन सातादेखि हृयाम्स अस्पतालमा उपचार भइरहेकाे थियाे ।