जीप दुर्घटनामा ११ जनाको निधन

दार्चुला, फागुन १८ : शुक्रबार साँझ दार्चुलामा जीप दुर्घटना हुँदा ११ जनाको निधन भएको छ भने एक जना गम्भीर घाइते छन् ।

दार्चुला सदरमुकाम खलंगा बजारबाट दुहुँ गाउँपालिकाको हिकिला तर्फ जाँदै गरेको म १ ज २८० नम्बरको जीप राताकाठा भन्ने स्थानमा राति बेलुका ८ बजेतिर दुर्घटना भएको थियो ।

दुर्घटनामा ७ महिला, ३ पुरुष, १ नाबालिकाको मृत्यु भएको जिल्ला प्रहरी कार्यालय दार्चुलाले जनाएको छ । उनीहरुको सनाखत भएको छैन ।

दुर्घटनामा जीप चालक दीपक सिंह धामी घाइते छन् । उनको अवस्था गम्भीर छ । 

जीप सडकबाट करिब तीन सय मिटर तल महाकाली नदी किनारमा खसेको थियो ।