लगातार उकालो लागेको सुनको मूल्य घट्यो

काठमाडौं, असोज १३ : साताको पहिलो कारोवार दिन आज (आइतबार) नेपाली बजारमा सुनको मूल्य सामान्य घटेको छ।

लगातार नयाँ रेकर्ड बनाइरहेको सुनको मूल्य आइतबार भने ६ सय रूपैयाँले घटेको हो। यसअघिको हप्ता सुन लगातार बढ्दै कीर्तिमान कायम गरेको थियो। 

नेपाल सुनचाँदी व्यवसायी महासंघका अनुसार आइतबार सुन प्रतितोला १ लाख ६० हजार ६ सय रूपैयाँ पुगेको छ।  शुक्रबार सुन प्रतितोला १ लाख ६१ हजार २ सय रूपैयाँमा कारोबार भएको थियो । 

त्यसैगरी, आज चाँदीको मूल्य पनि घटेको छ। शुक्रबार प्रतितोला १९ सय ५५ रूपैयाँमा कारोबार भएको चाँदी आज १० रूपैयाँले घटेर १९ सय ४५ मूल्यमा किनबेच भइरहेको  ।