न्यायाधीश नियुक्तिमा परिषदमा जुटेन सहमति 

काठमाडौं, असोज ७ : सर्वोच्च र उच्च अदालतमा रिक्त न्यायाधीश सिफारिसका लागि बसेको न्याय परिषद् बैठक सहमति नजुट्दा विना निष्कर्ष सकिएको छ। 

प्रधान न्यायाधीश विश्वम्भरप्रसाद श्रेष्ठको नेतृत्वमा सोमबार दिउँसो ३ बजेदेखि दुई घण्टा परिषद् बैठक बसेको थियो। 

तर पदाधिकारीविच सहमती नजुट्दा बैठकमा कुनै निर्णय हुन सकेन। पदाधिकारीबीच सहमति जुटाएर निर्णय गर्ने गरी अर्को दिन पुनः बस्ने भन्दै बैठक टुंगिएको छ।