यस्ता छन् ‘एक्टर’का तीन पोस्टर 

काठमाडाैं, असाेज ६ : कात्तिक १५ अर्थात लक्ष्मी पूजाबाट प्रदर्शनमा आउने प्रतीक्षित फिलम ‘एक्टर ः टेक वन’का तीन नयाँ पोस्टरहरू एकसाथ सार्वजनिक गरिएको छ।

निर्माता थमनकुमार भण्डारीका अनुसार यी पोस्टरहरू आगामी प्रचारप्रसारका लागि प्रयोग गरिनेछन्। 

पोस्टरहरू रोयल भिमसेन र ट्राइडेन्ट कन्सेप्ट टिमले डिजाइन गरेका हुन्। पोस्टरमा प्रमुख कलाकारहरू प्रदिप खड्का, आना शर्मा र दिव्या रायमाझीलाई प्रस्तुत गरिएको छ।

एक पोस्टरमा प्रदिप खड्कालाई आना र दिव्याको बीचमा राखिएको छ भने अन्य दुई पोस्टरमा अभिनेत्रीहरू आना र दिव्यालाई प्रदिपसँग प्रेमभावमा प्रस्तुत गरिएको छ। यी पोस्टरबाट चलचित्रमा त्रिकोणात्मक प्रेमकथाको संकेत पाइन्छ।

राजन भुसालले निर्देशन गरेको यो फिल्ममा प्रदिप, आना, र दिव्याका साथ राजबल्लभ कोइराला, दिव्य देव, उषा रजक र सुशील सिटौलालगायतको प्रमुख अभिनय छ।

‘एक्टरस् टेक वन’ अदृत फिल्मस् र मोती फिल्मस्को संयुक्त प्रस्तुति हो भने निर्माता थमन कुमार भण्डारी हुन्। अनिश भुसाल सह(निर्माता र क्रियटिभ प्रोड्युसर मोती कार्की हुन्। चलचित्रको स्क्रिप्ट आकाश बराल र राजन भुसालले संयुक्त रूपमा लेखेका हुन्। 

फिल्ममा हर्कुलस बस्नेत, रोहित शाक्य र एलिस कार्कीले संगीत छ शिशिर खाती र किरण थापाले कोरियोग्राफी गरेका छन्। द्वन्द्व निर्देशन अष्ट महर्जनले र कला निर्देशन कृष्णमान तामाङले गरेका छन्।