पोखरा महानगरकी सवइन्जिनियर रोकायालाई घुस मुद्दामा ८ महिना कैद 

काठमाडौं, भदौ २१ : विशेष अदालतले पोखरा महानगरपालिकाकी सवइन्जिनियर उषाकिरण रोकाया र गोदार इन्जिनियरिङ कन्सल्टेन्सीका सुरज कुँवरलाई घुस लेनदेन मुद्दामा दोषी ठहर गरेको छ।

अदालतले सवइन्जिनियर रोकायालाई भ्रष्टाचारमा ८ महिना कैद र १ लाख ७५ हजार रुपैयाँ जरिवानाको फैसला सुनाएको छ। 

अर्का प्रतिवादी कुँवरलाई ४ महिना कैद र ८७ हजार ५ सय रुपैयाँ जरिवानाको सजाय तोकिएको छ। 

यस्तै, अदालतले ऋषिप्रसाद बरालको नामबाट घुस बापत बैंकमा दाखिला गरेको दुई लाख रुपैयाँ जफत गरेर उजुरी कर्तालाई फिर्ता गर्न भनेको छ।