नेपाल प्रिमियर लिगको टिम सार्वजनिक

काठमाडाैं, भदाै १५ : नेपाल क्रिकेट संघ (क्यान)ले नेपाल प्रिमियर लिग (एनपीएल) क्रिकेटको पहिलो संस्करणमा सहभागी हुने आठ फ्रेन्चाइज टोलीको नाम सार्वजनिक गरेको छ। 

क्यानले शनिबार एक विज्ञप्ति जारी गर्दै मंसिर १५ देखि पुस ६ सम्म काठमाडौंमा हुने प्रतियोगितामा सहभागी हुने टोलीको नाम सार्वजनिक गरेको हो। 

क्यानले पहिलो पटक आफैंले आयोजना गर्न लागेको फ्रेन्जाइत लिगमा एनपिएलमा विराटनगर, जनकपुर, चितवन, काठमाडौं, पोखरा, लुम्बिनी, कर्णाली र सुदूरपश्चिमले प्रतिस्पर्धा गर्ने छन्। 

क्यानले केही दिनअघि एनपिएलकाे मिति र लोगो सार्वजनिक गरेको थियो भने टिमको स्वामित्व बिक्रीका लागि सार्वजनिक सूचना पनि निकालिसकेको छ।