प्रिमियरमा ‘सतीदेवी’ले पायो प्रसंशा
यस्तै, लैंगिक समानताको विषयवस्तुलाई शसक्त रुपमा उठान गरेको भन्दै लेखक तथा निर्देशक सुवेदीको प्रशंसा गर्दै पछिल्लो सयम प्रदर्शनमा आएका थुप्रै फिल्मभन्दा ‘सतीदेवी’ सरल र निकै राम्रो बनेको प्रतिक्रिया दिए।
काठमाडाैं, भदाै ५ : लक्ष्मण सुवेदीको लेखन तथा निर्देशनमा बनेको फिल्म ‘सतीदेवी’को मंगलबार साँझ बिग मुभिजमा प्रिमियर गरिएको छ। शुक्रबारबाट प्रदर्शनमा आउने फिल्मको प्रिमियरमा फिल्मकर्मी, संचारकर्मीको बाक्लो उपस्थिति थियो।
प्रिमियरमा निर्देशक लक्ष्मण सुवेदी, अभिनेत्री मलिका महत, सन्दीपबाबु लोहनीसहित अन्य कलाकार तथा क्रू सहित गौरी मल्ल, दीपा श्री निरौला, पूजा शर्मा, मिरुना मगर, सलोन बस्नेत, सलिनमान बानिया, शोभित बस्नेत लगायतका कलाकारहरू उपस्थिति थिए।
यस्तै, पूर्वआईजिपी तथा एमाले नेता रमेश खरेल, माईती नेपालकी अध्यक्ष अनुराधा कोइराला लगायतमा उपस्थित रहे।
मलिका महत स्टारर फिल्म हेरिसकेपछि अशिंकाले समाजमा सुनिरहेको कथामा पनि फिल्म मनछुने बनेको प्रतिक्रिया दिए। सञ्चारकर्मी र फिल्मकर्मीले कथावस्तु, कलाकारहरूको अभिनयको तारिफ गरे, जसमा विशेषतः मलिकाको अभिनयको तारिफ गरे।
यस्तै, लैंगिक समानताको विषयवस्तुलाई शसक्त रुपमा उठान गरेको भन्दै लेखक तथा निर्देशक सुवेदीको प्रशंसा गर्दै पछिल्लो सयम प्रदर्शनमा आएका थुप्रै फिल्मभन्दा ‘सतीदेवी’ सरल र निकै राम्रो बनेको प्रतिक्रिया दिए।
फिल्ममा मलिकासहित रमेश बुढाथोकी, भोलाराज सापकोटा, कुलदीप अधिकारी, सन्दीपबाबु लोहनी सृजना अधिकारी, मनीषा सापकोटा, सुजिता शिवाकोटी, तुलसी श्रेष्ठलगायतको अभिनय छ।
दिलासा र साराको प्रस्तुति रहेको फिल्मको निर्माताका श्रीदेवी, दिलासा र सारा सुवेदी छिन्। दिलाशा क्रियसन र गोल्डेन स्टेट मुभी मेकर्स एलएलसी क्यालिफोर्नियाको सहकार्यमा निर्माण भएको फिल्ममा सुवेदीकै पटकथा र संवाद छ।
प्रदर्शन अगाडि नै विभिन्न फिल्म फेस्टिभलमा अवार्ड जितिसकेको ‘सतीदेवी’ भदौ ७ गते शुक्रबारबाट प्रदर्शनमा आउने छ।
