पहिरोले डुम्रे-बेंसीसहर सडक अवरुद्ध
पहिरोका कारण सडक अवरुद्ध भएपछि बेंसीसहर देखि तनहुँ, काठमाडौं, पोखरा, चितवन लगायतका स्थानमा आवतजावत गर्ने सवारीसाधन सञ्चालन हुन सकेका छैनन्।
लमजुङ, भदै ४ : लमजुङमा लेदो सहितको पहिरोले डुम्रे-बेंसीसहर सडक अवरुद्ध भएको छ।
मंगलबार बिहान बेंसीसहर नगरपालिका–१ दलालमा पहिरो जाँदा सडक अवरुद्ध भएको जिल्ला प्रहरी कार्यालय लमजुङले जनाएको छ।
गएराति देखि निरन्तर परेको पानीले सडक माथिबाट लेदोसहित पहिरो झरेर सडक अवरुद्ध हुँदा यात्रुहरु विचल्लीमा परेका छन्।
पानी निरन्तर परिरहेको र सडकमा पहिरो आउनेक्रम जारी रहेकाले तत्काल सडक खुलाउन सक्ने सम्भावना नरहेको जिल्ला प्रहरी कार्यालय लमजुङका प्रहरी निरीक्षक थानेश्वर चपाईंले बताए।
पहिरोका कारण सडक अवरुद्ध भएपछि बेंसीसहर देखि तनहुँ, काठमाडौं, पोखरा, चितवन लगायतका स्थानमा आवतजावत गर्ने सवारीसाधन सञ्चालन हुन सकेका छैनन्।
प्रकाशित मिति: १३:१२ बजे, मंगलबार, भदौ ४, २०८१
प्रतिक्रिया दिनुहोस्
थप समाचार
