सिमलतालको पहिरोमा बेपत्ता यात्रु बस नभेटेपछि फर्कियो भारतीय टोली

काठमाडौं, साउन १३ : भरतपुर महानगरपालिका–२९ स्थित सिमलतालको पहिरोसँगै बेपत्ता दुईवटा यात्रु बसको खोजीका लागि आएको भारतीय टोली आइतबार यत्तिकै फर्किएको छ।

गत साउन ५ गते उच्च नेशनल डिजास्टर रेस्पोन्स फोर्स (एनडीआरएफ) को प्रविधियुक्त भारतीय टोली यात्रु बस खोजीका लागि नेपाल आएको थियो।

सशस्त्र प्रहरी र नेपाली सेनाको गोताखोर टोलीसँगै आठ दिनसम्म भारतीय टोलीले बस खोजी कार्य गरेको थियो।

भारतीय टोलीको प्रयास असफल भएपछि अब सशस्त्र प्रहरी र नेपाली सेनासहितले फरक तरिकाले खोजी कार्यलाई निरन्तरता दिने जनाइएको छ। भारतीय टोलीलाई गृह मन्त्रालय र परराष्ट्र मन्त्रालयको समन्वयमा बस खोज्न डाकिएको थियो।