टिप्परको ठक्करबाट मोटरसाइकल चालकको मृत्यु
टिप्परको ठक्करबाट काभ्रेको मण्डनदेउपुर नगरपालिका–१ का सुवास तामाङको मृत्यु भएको हो।
काठमाडौं, साउन १३ : टिप्परको ठक्करबाट मोटरसाइकल चालकको मृत्यु भएको छ।
भक्तपुरको मध्यपुर स्थित नयाँ थिमीमा बागमती प्रदेश ४ ख २९०१ नम्बरको टिप्परको ठक्करबाट मोटरसाइकलमा सवार सुवास तामाङको मृत्यु भएको जिल्ला प्रहरी परिसर भक्तपुरले जनाएको छ।
आइतबार काठमाडौँबाट भक्तपुर जाँदै गरेको गण्डकी प्रदेश ७ प ५३५३ नम्बरको मोटरसाइकललाई टिप्परले ठक्कर दिदाँ काभ्रेको मण्डनदेउपुर नगरपालिका–१ का तामाङको मृत्यु भएको हो।
टिप्परको ठक्करबाट गम्भीर घाइते भएका तामाङको उपचारको क्रममा मध्यपुर थिमी अस्पतालमा मृत्यु भएका प्रहरीले जनाएको छ।
टिप्पर चालक २८ वर्षीय राज कुमार राईलाई प्रहरीले पक्राउ गरेको छ।
प्रकाशित मिति: १२:२८ बजे, आइतबार, साउन १३, २०८१
प्रतिक्रिया दिनुहोस्
थप समाचार
