निर्माण व्यवसायीको भुक्तानी रोकिदैन् : अर्थमन्त्री
‘काम सम्पन्न भइसकेका आयोजनाको भुक्तानी नरोक्न विभिन्न मन्त्रालयलाई भनिसकेको छु। समस्या आइसकेपछि समाधान गर्दै जाने हो। दुवै पक्ष छलफल गरेर निकास खोज्नतर्फ लागौं,’ उनले भने।
काठमाडौं, साउन ४ : उपप्रधानमन्त्री तथा अर्थमन्त्री विष्णुप्रसाद पौडेलले निर्माण व्यवसायीको भुक्तानी चाँडै गर्ने प्रतिवद्धता जनाएका छन्।
शुक्रबार नेपाल निर्माण व्यवसायी महासंघका पदाधिकारीसँग अर्थ मन्त्रालयमा भएको भेटघाटमा उनले सरकार निर्माण क्षेत्रका समस्याको आगो तापेर नबस्ने भन्दै दायित्व सिर्जना भइसकेको रकम भुक्तानी नरोकिने स्पष्ट पारेका हुन्।
‘काम सम्पन्न भइसकेका आयोजनाको भुक्तानी नरोक्न विभिन्न मन्त्रालयलाई भनिसकेको छु। समस्या आइसकेपछि समाधान गर्दै जाने हो। दुवै पक्ष छलफल गरेर निकास खोज्नतर्फ लागौं,’ उनले भने।
अर्थमन्त्री पौडेलले निर्माण क्षेत्रले समयमा निर्माण सम्पन्न र गुणस्तरीय काममा ध्यान दिनपर्ने बताउँदै निर्माण क्षेत्रलाई सरकारले काम गर्ने वातावरण बनाने उल्लेख गरे।
अहिलेको सरकार समस्याको आगो तापेर नबस्ने बताउँदै उनले समाधान गरेर अघि बढ्ने बताए।
उनले सम्बन्धित निकायहरूलाई निर्माण सम्पन्न भएका आयोजनाको भुक्तानी रोक्यो भन्ने नकारात्मक सन्देश तोड्न निर्देशन दिएको पनि जानकारी दिए।
