मधेसका मुख्यमन्त्री सिंहले आज विश्वासको मत लिँदै
सिंहलाई कांग्रेस र एमालेले विश्वास मत दिने घोषणा गरिसकेकाले उनको सरकारले निरन्तरता पाउने निश्चित भएको हो।जनकपुर, असार २२ : मधेस प्रदेशका मुख्यमन्त्री सतिशकुमार सिंहले आज विश्वासको मत लिने भएका छन्।
सरकार गठन भएको ३० दिनभित्र विश्वासको मत लिनुपर्ने संवैधानिक व्यवस्थाअनुसार मुख्यमन्त्री सिंहले आज प्रदेशसभामा विश्वासको मत लिन लागेका हुन्।
मधेसको चौथो ठूलो दलको रुपमा रहेको जनमत पार्टीका सिंहको नेतृत्वमा गत जेठ २५ गते प्रदेश सरकार गठन भएको थियो।
केन्द्रमा सत्ता गठबन्धन परिवर्तन हुने भएपनि मधेशमा भने सिंह सरकारले निरन्तरता पाउने छ। सिंहलाई कांग्रेस र एमालेले विश्वास मत दिने घोषणा गरिसकेकाले उनको सरकारले निरन्तरता पाउने निश्चित भएको हो।
मधेसमा एमालेका २५, कांग्रेसका २२, जनमतका १३, जनता समाजवादी पार्टीका १९, लोसपा र माओवादी केन्द्रका ९, एकीकृत समाजवादीका ७, राप्रपा, नेपाल समाजवादी पार्टी र नागरिक उन्मुक्ति पार्टीका १–१ सदस्य छन्।
प्रकाशित मिति: ११:४१ बजे, शनिबार, असार २२, २०८१
प्रतिक्रिया दिनुहोस्
थप समाचार
मुख्यमन्त्री कार्की र स्विस राजदूतबीच भेटसोमबार, कात्तिक ५, २०८१
कुवामा डुबेर एक जनाको मृत्युआइतबार, कात्तिक ४, २०८१
झुम्का नहरमा एक जना मृत भेटिएशनिबार, कात्तिक ३, २०८१
आर्थिक अनियमिततामा मुछिएपछि मोरङका प्रहरी प्रमुख हेडक्वार्टर तानिएशुक्रबार, कात्तिक २, २०८१