पहिरोले पुरिँदा बालकको मृत्यु

सुर्खेत, असार १७ : भेरी नगरपालिका–४ इवरमा पहिरोले पुरिँदा पाँच वर्षीय  प्रिन्स विकको निधन भएको छ । यस्तै, उनका बुबा रमेश घाइते भएका छन्। 

जिल्ला प्रहरी कार्यालय सुर्खेतका प्रहरी नायब निरीक्षक दलबहादुर विष्टका अनुसार विकका बाबु-छोरा पहिरोले घरमै च्यापिएका थिए। 

प्रिन्सको घटनास्थलमै निधन भएको बताइएको छ। घाइते रमेशको जिल्ला अस्पतालमा उपचार भइरहेको प्रहरीले जनाएको छ।