लमजुङ पहिरोमा बेपत्ता चार जनाको शव भेटियो

लमजुङ, असार १२ : लमजुङ बगुममा राती गएको पहिरोमा परी बेपत्ता भएका चारजनाकै शव भेटिएको छ।

लमजुङको क्व्होलासोथार गाउँपालिका–३, बगुमस्थितमा गएराति गएको पहिरोमा पुरिएर चार जना बेपत्ता भएका थिए । प्रहरी र स्थानीयले भग्नावशेषबाट बुधबार शव निकालेका हुन्।

पहिरोमा पुरिएका ६७ वर्षीय रुद्रमान गुरुङ, उनकी बुहारी ३६ वर्षीया पञ्चकुमारी गुरुङ, नातिनी चार वर्षीया नम्रता र आठ वर्षीया इच्छा गुरुङको शव भेटिएको छ।

मंगलबार राति गएकाे पहिरोले तीनवटा घर पुरेको थियो।