लगानी सहजीकरणबारे कांग्रेस संसदीय दलमा विज्ञ र सरोकारवालाबीच छलफल

काठमाडौं, असार १२ : नेपाली कांग्रेसले लगानी सहजीकरण विधेयकबारे आज दिउँसो विज्ञ र सरोकारवालाविच छलफल गरी सुझाव लिने भएको छ।

कांग्रेस संसदीय दलले दलको कार्यालय सिंहदरबारमा बुधबार दिउँसो १ बजेका लागि छलफलको समय तय भएको छ। लगानी सहजीकरण विधेयकमाथि विज्ञ र सरोकारवालासँग छलफल गरी सुझाव लिइने कांग्रेसले जनाएको छ।

कांग्रेसले संसदीय दलले प्रतिनिधिसभा र राष्ट्रियसभाका आफ्ना सदस्यलाई छलफलमा अनिवार्य उपस्थिति हुन भनेको छ।

छलफलका लागि कांग्रेस राष्ट्रियसभा प्रमुख सचेतक कृष्णबहादुर रोकाय र प्रतिनिधिसभा सचेतक सुशिला थिङले सहजीकरण गर्ने भएका छन् । छलफलमा कांग्रेस संसदीय दलका प्रमुख सचेतक रमेश लेखक, वरिष्ठ अधिवक्ता राधेश्याम अधिकारी, कानुनविद् ओमप्रकाश अर्याल, उद्योग बाणिज्य संघका अध्यक्ष चन्द्रप्रसाद ढकाल, पूर्व उपसभामुख पुष्पा भुसाल र नेपाल उद्योग परिषदका प्रतिनिधिले आफ्नना धारणा राख्ने कार्यक्रम तय भएको छ।