लमजुङमा पहिरोले दुई घर बगाउँदा चारजना बेपत्ता

काठमाडौं, असार १२ : लमजुङमा पहिरोले दुइवटा घर बगाउँदा चारजना बेपत्ता भएका छन् । 

क्व्होलासोथार गाउँपालिका–३ मा मंगलबार राति गएको पहिरोले दुईवटा घर बगाउँदा चारजना बेपत्ता भएको जिल्ला प्रहरी कार्यालय लमजुङका प्रहरी निरीक्षक मेगनाथ चापागाईंले जानकारी दिए । 

रुद्रमणि गुरुङ र पञ्चकुमारी गुरुङको घर बगाएको हो । रुद्रमणि गुरुङको घर बगाउँदा रुद्रमणि र पञ्चकुमारी गुरुङको घर बगाउँदा उनीसहित उनको परिवारका तीजना बेपत्ता भएको प्रहरीले जनाएको छ । 

जिल्ला प्रहरी कार्यालयबाट डीएसपी मीनबहादुर घलेको नेतृत्वमा उद्धारका लागि थप प्रहरी परिचालन गरिएको छ ।