‘सरकारी अस्पतालमा लामो समय लाइन बस्नुपर्ने बाध्यता हट्छ, उच्चस्तरीय टोली काम थालिसक्यो’

काठमाडौं, असार १० : स्वास्थ्य तथा जनसंख्यामन्त्री प्रदीप यादवले सरकारी अस्पतालमा स्वास्थ्य सेवा लिन लामो समय कुर्नुपर्ने बाध्यता चाँडै हट्ने बताएका छन्।

सोामबार प्रतिनिधिसभा बैठकमा स्वास्थ्य मन्त्रलयको विनियोन शीर्षको छलफलमा उठेका प्रश्नको जवाफ दिँदै मन्त्री यादवले सेवा लिन लामो लाइन बस्नु पर्ने बाध्यता हटाउन उच्चस्तरीय टोली गठन भएको, टोली काम पनि थालिसकेको बताए।

सरकारी अस्पतालका चिकित्सकलाई निजी अस्पतालमा नजानको लागि बिस्तारित सेवा केही संघीय अस्पतालमा लागु भइसकेको बताउँदै उनले बाँकी लागू गर्ने क्रममा रहेको जानकारी दिए

मन्त्री यादवले उपत्यकाका ठुला अस्पतालहरूमा दुई सिफ्टको सेवा सञ्चालन गर्ने र विस्तारित सेवा लागू गर्ने लगायतका कार्यक्रम अघि बढाइएको पनि जानकारी गराए।

मन्त्री यादवले मिर्गौला सम्बन्धी रोगमा ४ लाख ५० हजारसम्म सहुलियत प्रदान भइरहेको पनि जानकारी गराए।