सुनको मूल्य तोलामा २७ सय घट्यो

काठमाडौं, असार ९ : नेपाली बजारमा सुनको मूल्यमा भारी गिरावट आएको छ। नेपाल सुनचाँदी व्यवसायी महासंघका अनुसार आइतबार सुनको मूल्य प्रतितोला २७ सय रुपैयाँ घटेको छ।

शुक्रबार प्रतितोला एक लाख ४४ हजार ७ सयमा कारोबार भएको छापावाल सुन आइतबार एक लाख ४२ हजार रुपैयाँमा कारोबार भइरहेको महासंघले जनाएको छ।

त्यस्तै, आइतबार तेजाबी सुन प्रतितोला एक लाख ४१ हजार ३ सय रुपैयाँमा कारोबार भइरहेको छ।

चाँदीको मूल्य प्रतितोला ५० रुपैयाँ घटेको छ। चाँदीको मूल्य प्रतितोला एक हजार ८१५ रुपैयाँमा छ।