करण परियारले जित नेपाल आइडल सिजन–५ को उपाधि

काठमाडौं, असार ९ : गायन रियालिटी सो नेपाल आइडल सिजन–५ को उपाधि बर्दियाका करण परियारले जितेका छन्।

शनिबार सम्पन्न भएको फाइनलमा प्रतिस्पर्धी सलोमी गुरूङ, सचिन विश्वकर्मा र मोहित भुजेललाई पछि पार्दै करण विजेता बनेका हुन्।

उपाधि विजेता करणले २५ लाख रुपैयाँ, ट्रफी र अन्य विभिन्न गिफ्ट ह्याम्परहरु पाए।

यस्तै, पोखराकी सलोनी गुरुङ सिजनको फस्ट रनरअपमा र दार्जिलिङका सचिन विश्वकर्मा सेकेन्ड रनरअप बने । सलोमीले १० लाख  र सचिनले ५ लाख रुपैयाँ प्राप्त गरे।

नेपाल आइडलको पाँचौं संस्करणका लागि देशभरिबाट १ सय ५२ जना छानिएर प्रतिस्पर्धा गरेका थिए। दर्शकको भोटको आधारमा विजेता चुनिएका हुन्।

चार महिनादेखि जारी नेपाल आइडलका निर्णायकमा न्ह्यू बज्राचार्य, इन्दिरा जोशी र कालीप्रसाद बाँस्कोटा थिए।