टुक्रे बजेट माग्ने अनि संस्थागत सुधार खोज्ने : सांसद झा
‘वैदेशिक रोजगारीमा सीपयुक्त मानिस कत्तिको पठाइँदै छ?,’ भन्दै उनले प्रश्न गरे, ‘श्रम हाम्रा लागि अभिशाप हो भन्ने सोँच्छौं। तर, श्रम अवसर हो भनेर विश्व बनाउन हामीले योगदान गरेका छौँ भनेर हामीले गर्व गर्ने कि?,’ उनले भने।
काठमाडौं, जेठ २९ : राष्ट्रिय स्वतन्त्र पार्टीका सांसद मनीष झाले ‘संस्थागत पुनर्संरचना कहिले गर्ने?’ भन्दै प्रश्न गरेका छन्। उनले पुरानै फाइल खोलेर ‘इडिट’ गरेर कहिलेसम्म बजेट ल्याउने भन्दै उनले यसरी संस्थागत सुधार नहुने टिप्पणी गरे।
मंगलबार प्रतिनिधिसभा बैठकमा शिक्षा, विज्ञान तथा प्रविधि, श्रम, रोजगार तथा सामाजिक सुरक्षा र कृषि तथा पशुपन्छी विकास मन्त्रालयको बजेटमाथिको छलफलका क्रममा उनले यो निर्माणमा कठोर भएर सोच्नुपर्ने बेला आएको बताए।
‘टुक्रे बजेट माग्ने अनि देशमा संस्थागत सुधार खोज्ने?,’ उनले भने । उनले बजेट निर्माण अभ्यास नै पुनरवलोकन गर्दै परिणामुखी बनाउन आवश्यक भएको औँल्याए।
श्रम मन्त्रालय भन्नासाथ वैदेशिक रोजगारी मात्र सोचिएको उनले बताए।
‘वैदेशिक रोजगारीमा सीपयुक्त मानिस कत्तिको पठाइँदै छ?,’ भन्दै उनले प्रश्न गरे, ‘श्रम हाम्रा लागि अभिशाप हो भन्ने सोँच्छौं। तर, श्रम अवसर हो भनेर विश्व बनाउन हामीले योगदान गरेका छौँ भनेर हामीले गर्व गर्ने कि?,’ उनले भने।
