प्रधानमन्त्रीसँग भरतपुरमा १४ कठ्ठामा पार्किङसहितको घर, बैंकमा २५ लाख

काठमाडौं, जेठ ८ : प्रधानमन्त्री पुष्पकमल दाहालको सम्पत्ति विवरण सार्वजनिक भएको छ।मन्त्रिपरिषद बैठकको निर्णयअनुसार मंगलबार प्रधानमन्त्रीसहित मन्त्रीहरुको सम्पत्ति विवरण सार्वजनिक भएको हो। 

सार्वजनिक विकरण अनुसार प्रधानमन्त्री दाहालसँग चितवनको भरतपुर महानगरपालिका–१४ मा १४ कठ्ठा बनेको पार्किङसहितको घर छ। यो घर स्वर्गीय धर्मपत्नी सीता दहालकको नाममा छ। यसलाई प्रधानमन्त्री पुष्पकमल दाहालले पैत्रिक सम्पत्ति भएको उल्लेख गरेका छन्।

तर, २०७३ सालमा प्रधानमत्री दाहालले आफूसँग पैतृक सम्पत्तिको १ कठ्ठा जग्गामा रहेको उल्लेख गरेका थिए। 

यस्तै, उनले आफूसँग बैंकमा २५ लाख रुपैयाँ र ५ तोला सुन रहेको पनि सम्पत्ती विवरणमा उल्लेख गरेका छन्। उनले सुनलाई पनि पैत्रिक सम्पत्तीकै रुपमा उल्लेख गरेका छन्।