दाहाल, ओली र लामिछाने छलफलमा

काठमाडौं, जेठ ३ : धकेलाधकेलबीच प्रतिनिधिसभा बैठकस्थगित भएलगत्तै सत्तारुढ शीर्ष तीन दलका नेताहरु छलफल भएको छ।

प्रधानमन्त्री पुष्पकमल दाहाल, एमाले अध्यक्ष केपी ओली र रास्वपा सभापतिसमेत रहेका उपप्रधानमन्त्री तथा गृहमन्त्री रवि लामिछाने नयाँ बानेश्वरस्थित संसद भवनमै छलफलमा बसेका हुन्।

कांग्रेस सांसदहरुको नाराबाजीबीच सभामुख देवराज घिमिरेले बैठक अगाडि बढाउने प्रयास गरेपछि सत्ता पक्ष र प्रतिपक्षबीच तनाव उत्पन्न भएको थियो।

कांग्रेसले संसद्‌मा देखाएको व्यवहार, संसद् अवरुद्ध र निकासका विषय शीर्ष तीन नेताबीच छलफल भइरहेको बताइएको छ।