जहाज मर्मतमा ढिलाइ भएपछि निगमको छानबिन समिति 

काठमाडौं, वैशाख २८ : न्यारोबडी जहाज मर्मतमा भएको ढिलाइबारे नेपाल एयरलाइन्स व्यवस्थापनले छानबिन समिति गठन गरेको छ।

निगमको ९ एन–एकेएक्स जहाजको इन्जिन मर्मतमा झण्डै ६ महिनाभन्दा बढी समय लागेपछि छानविन समिति गठन गरिएको हो। निगम सञ्चालक समितिको बैठकले सञ्चालक समिति सदस्य सुधिर शमशेर राईको संयोजकत्वमा पाँच सदस्यीय छानबिन समिति बनाएको छ।

समितिलाई छानबिन र अध्ययन गरी १५ दिनभित्र सिफारिससहितको प्रतिवेदन बुझाउन कार्यादेश तोकिएको छ। सम्झौताको सर्तअनुसार समयमा इन्जिन दिन नसकेको बिषयमा निगमको सीएएम डिपार्टमेन्टबाट क्षतिपूर्ति दाबी गर्ने प्रक्रिया समेत अगाडि बढेको जनाइएको छ।