सुन तस्करी प्रकरणमा गृह मन्त्रालयको समितिले बुझायो प्रतिवेदन 

काठमाडौं, वैशाख २५ : सुन तस्करी जाँचबुझ आयोगको रायसुझाव अनुसार प्रहरी र सरकारी कर्मचारीलाई कारबाही सिफारिस गर्न गठित गृह मन्त्रालयको समितिले गहृमन्त्रालयमा प्रतिवेदन बुझाएको छ।

गृह मन्त्रालयको कानुन महाशाखाका सहसचिव भरतमणि रिजालको संयोजकत्वमा समिति गठन भएको थियो।

समितिले डिल्लिराज आचार्य आयोगको सिफारिसलाई अध्ययन गरेर थप कारबाही गर्न सिफारिससहित प्रतिवेदन बुझाएको हो।

कानुनको दफा उल्लेख गरेर थप कारबाहीको जिम्मा प्रहरीलाई नै दिने गरी समितिले सिफारिस गरेको जनाइएको छ। यता, सिआइबीमा नयाँ टोलीले साे विषयमा थप अनुसन्धान समेत गरिरहेको छ।