हेमन्तको ‘जाउँ साइँली बेनी बजार’मा प्रकाश र अन्जली
काठमाडौं, वैशाख २२ : स्वर्गीय लोकगायक पदम विष्ट र गायिका लोचन भट्टाराईको स्वर रहेको गीत ‘जाउँ साइँली बेनी बजार’लाई गायक तथा संगीतकार हेमन्त ‘कान्छा’ रसाइलीले पुनः रेकर्ड गराएका छन्।
रसाइली र गायिका भट्टराईको स्वरमा यो गीत पुनः रेकर्ड भएको हो। मौलिक झ्याउरे लोकदोहोरी शैलीमा तयार गीतकको भिडियो पनि बनेको छ।
भिडियोमा प्रकाश सपुत, अञ्जली अधिकारी, सुनिल बिक र दीपा शाहीको अभिनय छ। भिडियोका निर्देशन सुनिल विकले गरेका हुन्। रोशन विश्वकर्माको कोरियोग्राफी र करन चैसिरको छायाङ्कन भिडियोमा छ।
गीतको शब्द स्वर्गीय विष्ट र सपना रसाइलीले लेखेका हुन्। संगीत भने स्वर्गीय विष्टकै रहेको छ। पुराना गायक तथा संकलकहरुको सम्मानमा गीतलाई पुनः रेकर्ड गरिएको गायक रसाइलीले बताए।
प्रकाशित मिति: १६:५३ बजे, शनिबार, वैशाख २२, २०८१
प्रतिक्रिया दिनुहोस्
थप समाचार
