ललितपुरमा डढेलो निभाउने क्रममा दुई जना घाइते, एककाे अवस्था गम्भीर
मंगलबार दिउँसो डढेलो निभाउने क्रममा स्थानीय शंकर पहरी र रमेश पहरी घाइते भएका जिल्ला प्रहरी परिसर ललितपुरले जनाएकाे छ।
काठमाडौं, वैशाख १८ : ललितपुरको गोदावरी नगरपालिका-४ तपेश्वर सामुदायिक वनमा डढेलो निभाउने क्रममा दुई जना घाइते भएका छन्।
मंगलबार दिउँसो डढेलो निभाउने क्रममा स्थानीय शंकर पहरी र रमेश पहरी घाइते भएका जिल्ला प्रहरी परिसर ललितपुरले जनाएकाे छ।
उपचारका लागि उनीहरूलाई कीर्तिपुरस्थित बर्न अस्पतालमा पठाइएको प्रहरीकाे भनाइ छ। शंकरकाे अवस्था गम्भीर रहेकाे बताइएकाे छ।
ललितपुरको गोदावरी-६ आनन्द वनमा पनि डढेलो फैलिँदा कुष्ठरोग अस्पताल जाेखिममा परेकाे छ।त्यहाँबाट ९३ जना बिरामीलाई बिरामी अन्यत्र सारिएको अस्पतालले जनाएकाे छ।
प्रकाशित मिति: १४:०४ बजे, मंगलबार, वैशाख १८, २०८१
प्रतिक्रिया दिनुहोस्
थप समाचार
