काठमाडौंको शङ्खमूलनजिकै बागमती दोभानमा आगलागी

काठमाडौं, वैशाख १६ : काठमाडौंको शंखमुल नजिकै बागमती दोभानमा आगलागी भएको छ।

एक ग्यारेजबाट सल्किएकाे आगाेले वरिपरिका पानपसल, चियापसल, माछापसल, फलफूल पसल, तरकारी पसल र  टहरा जलेर नष्ट बनाएको प्रहरीले जनाएको छ।

प्रहरी र स्थानीयको समेत सहयोगमा आगो निभाउने कार्य भइरहेकाे छ। ललितपुर र काठमाडाैं महानगरका दमकल पनि प्रयाेगमा ल्याइएका छन्।  

आगलागीको कारण र क्षतिको यकिन विवरण आउन बाँकी छ।