कतारी राजाकाे स्वागतदेखि बिदाइसम्म [तस्बिरहरू]
मध्यपूर्व एसियाबाट नेपालमा पहिलो पटक यो उच्चस्तरको भ्रमण भएको हो।काठमाडाैं, वैशाख १२ : नेपालको दुई दिने भ्रमण सम्पन्न गरी कतारी राजा सेख तमिम बिन हमाद अल थानी स्वदेश फर्किएका छन्। मंगलबार काठमाडौं आएका थानी बुधबार दिउँसो स्वदेश फर्किएका हुन्। कतारी राजले मंगलबार नै राष्ट्रपति पौडेलसँग शीतल निवासमा भेटवार्ता गरेका थिए। राष्ट्रपति पौडेलले उनको सम्मानमा सोही साँझ राजकीय भोजको आयोजना गरेका थिए।
राजा शेख तमिम बिन हमाद अल थानीको सम्मानमा प्रधानमन्त्री पुष्पकमल दाहाल ‘प्रचण्ड’ले दिवाभोजको आयोजना गरे। त्यसअघि उनीहरूबीच आज यसअघि होटल सोल्टीमा द्विपक्षीय प्रतिनिधिमण्डलस्तरीय वार्ता भएको थियो। वार्तामा विभिन्न छ विषयमा द्विपक्षीय सम्झौता र समझदारीपत्रमा हस्ताक्षर भएको छ।
मध्यपूर्व एसियाबाट नेपालमा पहिलो पटक यो उच्चस्तरको भ्रमण भएको हो। नेपाल र कतारबीच सन् १९७७ जनवरी २१ मा कूटनीतिक सम्बन्ध स्थापना भएपछि कतारका अमिरको यो पहिलो नेपाल भ्रमण हो । नेपालले सन् २००० जुलाई ११ मा दोहामा राजदूतावास स्थापना गरेको थियो भने कतारले काठमाडौँमा सन् २०११ अगष्टमा राजदूतावास स्थापना गरेको थियो ।
यसरी गरियाे बिदाइ
भेटवार्ता र सम्झाैताका झलकहरू
विमानस्थलमा यसरी गरिएकाे थियाे स्वागत
तस्बिररहरू ः रासस