जसपाकी समानुपातिक सांसद हसिना खानले लिइन् शपथ

काठमाडाैं, वैशाख ७ : जनता समाजवादी पार्टी (जसपा) की समानुपातिक सांसद हसिना खानले शपथ लिएकी छन्।

शुक्रबार सिंहदरबारमा सभामुख देवराज घिमिरेले सांसद खानलाई पद तथा गोपनियताको सपथ गराएका हुन्। शपथपछि सभामुख घिमिरेले सांसद खानलाई सांसदको लोगो लगाइदिएका थिए।

पथपछि सांसद खानले आफ्नो कामको बारेमा अध्ययन गर्ने बताए। महिला अधिकारका साथै जिम्मेवारी अनुसार काम आफुले गर्ने उनले बताइन्।

समानुपातिक सांसद मञ्जु शर्मा अन्सारीको निधन भएपछि रिक्त स्थानमा जसपाले बाँकेकी खानको नाम सिफारिस गरेको थियो।