नेकपा एसका दीर्घ सोडारीद्वारा सुदूरपश्चिम प्रदेशको मुख्यमन्त्रीमा दाबी पेस

धनगढी, वैशाख ६ : नेकपा एकीकृत समाजवादीका दीर्घ सोडारीले सुदूरपश्चिम प्रदेशको मुख्यमन्त्रीमा दाबी पेस गरेका छन्।

उनले सङ्घीय समीकरणमा रहेका दल एमाले, माओवादी केन्द्र, एकीकृत समाजवादी र नागरिक उन्मुक्ति पार्टीको समर्थनमा बिहीबार दिउँसो मुख्यमन्त्रीमा दाबी परेका गरेका हुन्।

एमालेका १०, माओवादी केन्द्र १०, नेकपा एसका चार, नाउपाका सातमध्ये दुई र स्वतन्त्रका एक गरी २७ जनाको समर्थनमा साेडारीले मुख्यमन्त्री दाबी गरेकाे जनाइउकाे छ।

यसअघि आइतबार का‌ंग्रेस र एकीकृत समाजवादीको समर्थनमा नाउपाका लक्ष्मणकिशोर चौधरी र एमाले-माओवादीको समर्थनमा नाउपाकै कैलाश चौधरीले मुख्यमन्त्रीमा दाबी पेस गरेका थिए।

दुवै दाबीका आधारमा निष्कर्षमा पुग्न नसकिएको भन्दै पुनः मुख्यमन्त्रीमा दाबीका लागि प्रदेश प्रमुख नजिर मियाँले आह्वान गरेका थिए ।