‘ठमेल र दरबारमार्ग क्षेत्रमा पूर्णकालीन व्यवसाय गर्न आवश्यक सुरक्षा लगायतका व्यवस्था तर्जुमा भयाे’
काठमाडौंका प्रमुख जिल्ला अधिकारी जितेन्द्र बस्नेतले वैशाख १ गतेदेखि काठमाडौंको ठमेल र दरबारमार्ग क्षेत्रमा पूर्णकालीन २४ सैं घण्टा व्यवसाय सञ्चालन हुने र त्यसका लागि आवश्यक सुरक्षा लगाएतका व्यवस्था तर्जुमा गरेको जानकारी दिएका हुन्।
काठमाडाैं, चैत ३० : जिल्ला प्रशासन कार्यालय काठमाडौंले ठमेल र दरबारमार्ग क्षेत्रमा पूर्णकालीन व्यवसाय गर्नका लागि आवश्यक सुरक्षा लगाएतका व्यवस्था तर्जुमा गरेको जनाएको छ।
काठमाडौंका प्रमुख जिल्ला अधिकारी जितेन्द्र बस्नेतले वैशाख १ गतेदेखि काठमाडौंको ठमेल र दरबारमार्ग क्षेत्रमा पूर्णकालीन २४ सैं घण्टा व्यवसाय सञ्चालन हुने र त्यसका लागि आवश्यक सुरक्षा लगाएतका व्यवस्था तर्जुमा गरेको जानकारी दिएका हुन्।
उनले सो क्षेत्रमा व्यवसाय गर्न व्यवसायी, उपभोक्ता, श्रमिकहरुले पालना गर्नुपर्ने आचारसंहिता तोकिएको र उक्त आचारसंहिता तथा मापदण्ड स्वीकृत समेत भइसकेको बताए।
पूर्णकालीन व्यवसायका लागि आचारसंहिता र मापदण्डको पूर्णपालन र कार्यान्वयनका आधारमा त्रुटीरहित र भरपर्दो सुरक्षा व्यवस्था मिलाइएको उनको भनाइ छ।
प्रमुख जिल्ला अधिकारी बस्नेतले ठमेलको भगवान बहाल क्षेत्रमा स्थानीयको धेरै बसोबास रहेका कारण सो क्षेत्रमा भने तत्काल पूर्णकालीन व्यवसाय गर्न नपाईने जानकारी दिए।
