मुख्यमन्त्रीमा नियुक्त अधिकारीको साढे ३ बजे शपथ

काठमाडौं, चैत २५ : गण्डकी प्रदेशको मुख्यमन्त्रीमा नियुक्त खगराज अधिकारीले साढे ३ बजे सपथ लिने तय भएको छ। 

अधिकारीलाई प्रदेश प्रमुख डिल्लीराज भट्टले दुई वा दुईभन्दा बढी दलको समर्थन जुटाएको आधार मानेर मुख्यमन्त्री नियुक्त गरेका थिए। नियुक्ति लगत्तै आइतबार दिउँसो साढे ३ बजे शपथ समारोह राखिएको हो।

प्रदेश प्रमुख भट्टले धारा १६८ को उपधारा २ बमोजिम अधिकारीलाई मुख्यमन्त्री नियुक्त गरेको जनाइएको छ।

नेपाली कांग्रेसका संसदीय दलका नेता एवम् गण्डकी प्रदेशका निवर्तमान मुख्यमन्त्री सुरेन्द्र पाण्डेले अधिकारीलाई मुख्यमन्त्री बनाएकोमा आपत्ति जनाइसकेका छन्।