त्रिविको उत्तरपुस्तिका हराएको विषयमा सरकारकाे ध्यानाकर्षण

काठमाडौं, चैत १८ : एमाले सांसद विद्या भट्टराईले त्रिभुवन विश्वविद्यालयको उत्तरपुस्तिका हराएको विषयमा सरकारकाे ध्यानाकर्षण गरेकी छन् ।

आइतबार प्रतिनिधिसभा बैठकमा बाेल्दै उनले  उत्तरपुस्तिका हराएको विषयमा लापरबाही  गर्नेलाई तुरुन्त कारबाही गर्न माग पनि गरिन्। 

गत  वैशाखमा भएको जनसंख्या र फाउन्डेसन अफ एजुकेसनको परीक्षा दिएका विद्यार्थीको नतिजा आउनुपर्नेमा पुनः परीक्षा दिनुपर्ने सूचना प्रकाशन भएको बताइन्। 

उनले १८३ परीक्षार्थीको उत्तरपुस्तिका हराएको विषयले विद्यार्थीको भविष्यमाथि खेलवाड भएको बताइन्।