राष्ट्रिय योजना आयोगमा रिक्त चार सदस्य नियुक्त

काठमाडौं, चैत ८ : मन्त्रिपरिषद् बैठकले राष्ट्रिय योजना आयोगको रिक्त चार सदस्य पदमा नियुक्तिको निर्णय गरेको छ ।

मन्त्रिपरिषद्को बैठकबाट काठमाडौंकी प्राध्यापक संगीता सिंह, जुम्लाका डा. कुसेन्द्रबहादुर महत, पाल्पाका शिवराज अधिकारी र ललितपुरका अरनिकोकुमार पाँडेलाई राष्ट्रिय योजना आयोगको सदस्यमा नियुक्त गर्ने निर्णय गरेको हो।

यसअघि सदस्य रहेका डा.प्रभु बुढाथोकी, डा.आरपी बिच्छा, डा.अनिता शाह ढुंगाना र डा.जयकान्त राउतले राजीनामा दिएपछि रिक्त पदमा चार जनाको नियुक्ति भएको हो।