मोरङको रंगेलीमा भीषण आगलागी, २२ घर जले

मोरङ, चैत ३ : मोरङको पुरानो सदरमुकाम रंगेली नगरपालिका–३ शनिबार अपरान्ह भीषण आगलागी भएको छ। आगलागीबाट २२ वटा घर जलेर नष्ट भएको प्रहरीले जनाएको छ।

सन्थाल समुदायको बसोबास रहेको वडा नम्बर ३ को बाबुसाहेव टोलमा आगलागी भएको हो।

आगो निभाउन रंगेली नगरपालिका, कानेपोखरी गाउँपालिका, सुन्दरहरैँचा नगरपालिका लगायत आसपास क्षेत्रका पालिकाहरुको दमकल प्रयोग गरिएको छ ।

प्रहरी र स्थानीय बासिन्दा मिलेर आगो निभाउने काम भइरहेकाले क्षतिको विवरण आइसकेको छैन।

आगो पूर्ण रुपमा नियन्त्रणमा आउन सकेको छैन । बाँस, सन्ठीजस्ता स्थानीय सामग्री प्रयोग गरी बनाइएका घरहरुमा आगो चाँडै फैलिएको जनाइएको छ।