चितवनको रोटरी मिनी म्याराथन २०२४ को सम्पूर्ण तयारी पूरा

चितवन, फागुन १६ : चितवनको रोटरी क्लब अफ रत्ननगरको आयोजनमा हुन लागेको रोटरी मिनी म्याराथन २०२४ को सम्पूर्ण तयारी पुरा भएको छ।

चितवन, फागुन १६ : उक्त प्रतियोगिता यही फागुन १९ गते चितवनको नारायणगढ नारायणी नदी किनार बाट सुरु हुने बुधवार चितवनमा आयोजित पत्रकार सम्मेलनमा जानकारी दिएको हो। उक्त अवसरमा प्रतियोगितामा २ बिधामा धावकहरुले प्रतिस्पर्धा  गर्ने प्रतियोगिताका संयोजक विपीन पोख्रेलले बताए।

उनले प्रतियोगितामा १५ दशमलव ४ किलोमिटर र ५ किलोमिटरको म्यारथन हुने बताए। दुवै प्रतियोगिताका लागि ६ सय २ जना धावकहरुले नाम दर्ता गराईसकेको उनले जानकारी दिए।

संयोजक पोख्रेलले प्रतियोगितामा राष्ट्रिय धावकहरु नेपाली सेना नेपाल प्रहरी सशस्त्र प्रहरी बल नेपालका राष्ट्र सेवकहरु अति सीमान्तकृत चेपाङ समुदायका धाबकहरूको अतिरिक्त जर्मन र केन्याका धावकहरु समेतको सहभागिता रहने उल्लेख गरे।

प्रतियोगितामा विजयी खुलातर्फका धावकहरु प्रथमले १ लाख चादी मेडल, दोस्राे हुनेले ५० हजार चाँदी मेडल र तृतीयले २५ हजार र चाँदीको मेडल पाउने आयोजकले जनाएको छ। प्रतियोगितामा दुरी पुरा गर्ने चेपाङ धाबकहरुलाई २ हजार नगद प्रदान गरिने संयोजक पोख्रेलले जानकारी दिए।

प्रतियोगिताको  महिला लक्षित ५ किलोमिटर दौड प्रतियोगितामा प्रथमले २० हजार चादीको मेडल, दोस्राे हुनेले १० हजार चादीको मेडल र तृतीयले ५ हजार र चादीको मेडल पाउनेछन्।