सितापाइलामा एकै परिवारका चारजना मृत फेला
प्रहरीका अनुसार एक महिला, उनका दुई छोरीहरु घरको कोठाभित्र मृत भेटिएका छन् भने मृतक महिलाका श्रीमान् झुण्डिएको अवस्थामा मृत फेला परेका छन्।
काठमाडौं, फागुन ९ : काठमाडौंको सितापाइलामा एकै परिवारका चारजना मृत फेला परेका छन्। प्रहरीका अनुसार एक महिला, उनका दुई छोरीहरु घरको कोठाभित्र मृत भेटिएका छन् भने मृतक महिलाका श्रीमान् झुण्डिएको अवस्थामा मृत फेला परेका छन्।
प्रहरीका अनुसार ३८ बर्षिय महिला, दुई र आठ बर्षका छोरीहरुको हत्या गरिएको आशंका छ।
मृतक महिलाका श्रीमान् रामप्रसाद सुनारको शव भने घरभन्दा केही पर जंगलमा झुण्डिएको अवस्थामा फेला परेको हो। उनी सोलुखुम्बुका रहेको प्रहरीले जनाएको छ।
घटनाको अनुसन्धान जारी रहेको जनाइएको छ । अहिले जिल्ला प्रहरी परिसर काठमाडौं र उपत्यका अपराध अनुसन्धान कार्यालयको टोली घटनास्थलमा पुगेको छ।
प्रकाशित मिति: १२:२८ बजे, बुधबार, फागुन ९, २०८०
थप समाचार
