महासमिति बैठकअघि सभापति देउवाले गरे पदाधिकारीसँग छलफल 

काठमाडौं, फागुन ७ : नेपाली कांग्रेसका सभापति शेरबहादुर देउवाले पार्टीका पदाधिकारीसँग बुढानीलकण्ठमा छलफल गरेका छन्।

पार्टी सभापति देउवाले कांग्रेस महासमिति बैठकको पूर्वसन्ध्यामा महामन्त्रीद्वय गगन थापा र विश्वप्रकाश शर्मासहितका पदाधिकारीसँग छलफल गरेका हुन्।

महामन्त्री थापाले तयार पारेको सांगठनिक प्रतिवेदनमा समेटिएका विषयवस्तु संशोधन र परिमार्जनका विषयमा छलफल भएको हो।

महामन्त्री गगन थापाको प्रतिवेदनलाई सर्वसम्मत बनाउने सन्दर्भमा पदाधिकारीबीच छलफल चलिरहेको जनाइएको छ । महामन्त्री थापाको प्रतिवेदन सोमबार दिउँसो १ बजे सुरु हुने महासमिति बैठकमा पेस हुँदैछ।