भारतीय नागरिकलाई बन्धक बनाएको आरोपमा ९ जना पक्राउ

काठमाडौं, फागुन ३ : भारतीय नागरिकलाई अमेरिका पठाउने भन्दै काठमाडौंमा बन्धक बनाएको आरोपमा ९ जनालाई प्रहरीले पक्राउ गरेको छ। 

नेपाल ल्याएर बन्धक बनाइएका ११ जना भारतीय नागरिकलाई पनि प्रहरीले उद्धार गरेको छ। पक्राउ पर्नेमा ८ जना भारतीय नागरिक र एक जना नेपाली नागरिक रहेको प्रहरीले जनाएको छ।

पक्राउ पर्ने भारतीय नागरिकमा इन्द्रसिंह यादव, निकुन गुप्ता, चरनजित सिंह, अशोक कुमार, अब्दुल रहिम, मनिषकुमार मलहोत्रा, रवि नेवाडे र रामचन्द्र शर्मा छन्। नेपाली नागरिकको भने नाम खुलाइएको छैन। 

पक्राउ व्यक्तिविरुद्ध मानव बेचबिखन तथा ओसारपसार र अपहरण तथा शरीर बन्धक मुद्दामा अनुसन्धान गरिने प्रहरीले जनाएको छ। अमेरिका पठाउन एक जनाको ४० लाख भारतीय रुपैयाँ लाग्ने भन्दै उनीहरुले घरबाट पैसा मगाउन लगाउने गरेको भनाई प्रहरीको छ।