माओवादी केन्द्रको विधान अधिवेशन छलफलका लागि स्थगन

काठमाडौं, फागुन १ : नेकपा माओवादी केन्द्रको विधान अधिवेशन बुधबार दिउँसो २ बजेसम्मलाई स्थगन गरिएको छ।

पार्टीका विभिन्न समूहले विधान मस्यौदामाथि छलफल गरेर सुझाव दिने प्रयोजनका लागि स्थगित भएको जनाइएको छ।

विधान मस्यौदामाथि छलफलका लागि विभिन्न २० वटा समूह तय भएको छ। विधान अधिवेशनले पार्टीको विधान परिमार्जन गर्ने भएको छ।

यो अधिवेशनबाट साङ्गठनिक संरचनामा केही परिवर्तन गर्न खोजिएको माओवादीले जनाएको छ । अधिवेशनमा मुलुकभरबाट करिब १३ सय नेता–कार्यकर्ता सहभागी छन्।