बागलुङकाे ढोरपाटनमा जिप दुर्घटना, दुई जनाको मृत्यु, नाै घाइते
ब्रेक फेल भएर जिप दुर्घटना भएको प्रहरीको भनाइ छ।
ढोरपाटन, (बागलुङ), पुस २८ : बागलुङकाे ढोरपाटनमा जिप दुर्घटना हुँदा दुई जनाको मृत्यु भएको छ भने नाैजना घाइते भएका छन्।
आज (शनिबार) बिहान बुर्तिबाङ बजारबाट ढोरपाटन उपत्यका गइरहेको जिप ढोरपाटन नगरपालिका ५ अस्तुमा दुर्घटना भएको प्रहरीले जनाएकाे छ।
दुर्घटनामा जिप चालक बागलुङकाे ढोरपाटन नगरपालिका–४ का ३० वर्षीय तिलक घर्तीमगर र काठमाडाैंकाे चन्द्रागिरि नगरपालिका–११ की २८ वर्षीय सङ्गीता अधिकारीको घटनास्थलमै मृत्यु भएको इलाका प्रहरी कार्यालय बुर्तिबाङले जनाएको छ। घाइते नौ जनाको उद्धार गरी बुर्तिबाङ प्राथमिक स्वास्थ्य केन्द्रमा उपचार भइरहेकाे बताइएकाे छ।
ब्रेक फेल भएर जिप दुर्घटना भएको प्रहरीको भनाइ छ। घटनाबारे थप अनुसन्धान भइरहेकाे प्रहरीले जनाएकाे छ।
प्रकाशित मिति: १४:१४ बजे, शनिबार, पुस २८, २०८०
प्रतिक्रिया दिनुहोस्
थप समाचार
