जापानमा अवतरणका क्रममा विमानमा आगलागी

टोकियो, पुस १७ : मंगलबार साँझ टोकियोको हानेदा विमानस्थलको धावनमार्गमा अवतरणका क्रममा विमानमा आगलागी भएको छ। अवतरणका क्रममा जापान एयरलाइन्सको विमानमा आगलागी भएको हो।

विमानको झ्यालबाट र त्यसको मुनि आगो निस्किरहेको फुटेजहरु सर्वाजनक भएका छन्। सपोरोबाट उडेको अर्को विमानसँग ठोक्किएको बताइएको छ।

विमानमा रहेका सबै ३७९ यात्रु र चालक दलका सदस्यलाई बाहिर निकालिएको अन्तर्राष्ट्रिय सञ्चार माध्यमहरुले जनाएका छन्। क्षतिको मूल्यांकन भइरहेको बताइएको छ।