प्याराग्लाइडिङ दुर्घटना एक जना गम्भीर घाइते

पाेखरा, फागुन १६ : स्याङ्जामा प्याराग्लाइडिङ दुर्घटना हुँदा एक फ्रान्सेली नागरिक गम्भीर घाइते भएका छन्।

३५ वर्षीय फ्रान्सेली नागरिक सिमोन हेनरी बोरेईली प्याराग्लाइडिङ अवतरण गर्ने क्रममा दुर्घटनामा परेका वडा प्रहरी कार्यालय वालिङले जनाएको छ । घाइते सिमोनलाई फिस्टेल एयरको हेलिकप्टरमार्फत उपचारका लागि काठमाडौं पठाइएको प्रहरीले जनाएको छ।

भीरकोट नगरपालिका–५, स्वरेक मैदानबाट आफैँ प्याराग्लाइडिङ उडाएका सिमोन वालिङ नगरपालिका–११, डौंवाफाँटमा अवतरण गर्ने क्रममा दुर्घटनामा परेका हुन्।