नेपालमा रहेका सोनु निगम विरामी भएपछि अस्पताल भर्ना

काठमाडौं, फागुन ७ : नेपालमा रहेका चर्चित भारतीय गायक सोनु निगम विरामी भएका छन् । उनलाई नर्भिक अस्पताल भर्ना गरिएको छ ।

उनी म्यूजिक भिडियो छायांकनका लागि केही दिन अघि नेपाल आएका थिए । उनको म्युजिक भिडियोको पोखरामा छायांकन भइरहेको थियो । एक्कासी उनको मांशपेशीमा समस्या आएपछि काठमाडौं ल्याइएको हो ।

पोखराबाट ल्याएर उनलाई सिधै नर्भिक अस्पताल लगिएको हो । अस्पताल स्रोतका अनुसार, उनको स्वास्थ्य अवस्था सामान्य रहेको छ ।

डा.पंकज जलान र डा.वीण नेपालको टोलीले उनको उपचार गरिरहेको अस्पताल स्रोतले जनाएको छ ।