६ प्रतिशत हवाई भाडा वृद्धि हुने जनाउ

काठमाडौं, असार ३१ : भाेलि (सोमबार) देखि हवाई भाडामा ६ प्रतिशतले वृद्धि हुने भएको छ। सबै दुरीमा ६ प्रतिशतले हवाई भाडा बढ्नेछ।

वायुसेवा सञ्चालक संघले आइतबार एक विज्ञप्ति जारी गर्दै ६ प्रतिशत हवाई भाडा वृद्धि हुने जनाउ दिएको हो। संघले साउन १ गते बाट हवाई सेवा कम्पनी भ्याटमा दर्ता हुने भएकाले भाडामा वृद्धि गर्नुपरेको बताएको छ।

यस्तै संघले सरकारले लगाएको मुल्य अभिवृद्धि हालको भाडादरमै जोडिने पनि विज्ञप्तिमा जनाएको छ। वायुसेवा कम्पनीहरुले साउन १ गते देखी लागु हुनेगरी हवाई भाडा दरमा नै समावेशगरी मूल्य अभिवृद्धि कर उठाइने भनाई संघको छ।