विद्युतीय सवारीलाई समयअनुकूल बनाउन बजेटमा कर घटबढ गरिएको हाे : अर्थमन्त्री महत

काठमाडौं, जेठ २९ : अर्थमन्त्री डा. प्रकाशरण महतले विद्युतीय सवारीलाई समयअनुसार अनुकूल बनाउन बजेटमा कर घटबढ गरिएको बताएका छन्।

प्रतिनिधिसभाको बैठकमा  आ.व. २०८०/८१ को राजश्व र व्ययको वार्षिक अनुमानमाथिको छलफलमा उठेका प्रश्नहरुको जवाफ दिँदै अर्थमन्त्री महतले शून्यदेखि ५० किलोवाट १० प्रतिशत भन्सार शुल्क लगाउने र ५० देखि १०० सम्ममा बढाउने नीति लिएको बताए। १०० किलोवाटदेखि माथिको गाडीमा अत्यधिक कर रहेको हुँदा घटाइएको उनले जानकारी दिए।

‘मध्यम वर्गले १०० किलोवाटको गाडी चढ्ने होइन, यो धनीहरुले नै चढ्ने हो,’ उनले भने। महतले १०० किलोवाटसम्मको गाडीमा कर बढाएर १०० किलोवाटभन्दा बढीको गाडीलाई भने कर घटाएका थिए।