क्लासिक टेकको नयाँ सुविधासम्पन्न मोबाइल एप सार्वजनिक
काठमाडाैं, जेठ १५ः अग्रणी इन्टरनेट सेवा प्रदायक कम्पनी क्लासिक टेकले ग्राहकको सहजतालाई मध्यनजर गर्दै आफ्नो प्रयोगकर्ता–मैत्री नयाँ एप सार्वजनिक गरेको छ । क्लासिक टेकले नयाँ तथा आकर्षक डिजाइनमा सुविधासम्पन्न एप सार्वजनिक गरेको हो ।
कम्पनीका ग्राहकहरुले नयाँ ‘क्लासिक टेक एप’मार्फत् फोनबाटै इन्टरनेट सम्बन्धि गुनासो, सापटी, महसुल भुक्तानीलगायतका सुविधाहरु लिन सक्नेछन् । अनलाइन भुक्तानी सरल र झन्झटमुक्त बनाउन कम्पनीले नयाँ एपमार्फत नेपालमा सञ्चालित अधिकांश अनलाइन वालेटहरु ईसेवा, फोनपे, प्रभु पे, माइपे, आइएमईपेसहित डेबिट र क्रेडिट कार्डका साथै नेपाल पे र कनेक्ट आइपिएसजस्ता अग्रणी भुक्तानी प्रदायकहरु मार्फत् भुक्तानी गर्न मिल्ने बनाएको छ ।
अनलाइनमाध्यमबाट भुक्तानी गर्दा ग्राहकहरुले आकर्षक क्यासब्याक, बोनस, छुट प्राप्त गर्नुका साथै राउटर अपग्रेड समेत गर्ने सुविधा प्राप्त गर्नेछन् । एपको नयाँ इन्टरफेस नेभिगेट गर्न सहज रहेको र विभिन्न नयाँ फिचरहरु थप गरिएको कम्पनीले जनाएको छ । एप मार्फत् नै ग्राहकहरुले स्पीड टेस्ट गर्नुका साथै रिफर गर्न र सपोर्ट टिकेट खोलेर आफ्ना समस्या र गुनासो दर्ता गर्न सक्नेछन् ।
७ नयाँ आउटले थपिए
ग्राहकको सुविधालाई मध्यनजर गर्दै क्लासिक टेकले नयाँ आउटलेटपनि थप गरेको छ । गुणस्तरीय सेवा प्रदानको क्रमलाई अझ चुस्त बनाउन नयाँ आउटलेट थपिएको कम्पनीले जनाएको छ ।
कम्पनीले गैह्रीधारा, थानकोट, चाबहिल, थली, केराबारी, पुष्पलाल चोक र बुधबारेमा आउटलेट विस्तार गरेको हो । यससँगै क्लासिक टेकका कुल आउटलेटको संख्या १०४ पुगेको छ ।
