निरन्तर बढ्दै नेप्से, मंगलबार ५१.३१ अंकले बढ्यो

काडमाडौं, जेठ ९ : नेप्से परिसूचक केही दिनयता निरन्तर वृद्धि भइरहेको छ। मंगलबार नेप्से परिसूचक ५१.३१ अंकले बढेको छ। योसँगै नेप्से परिसूचक एक हजार नौ १४२.६३ मा पुगेको छ।

ठूला कम्पनीको शेयर कारोबार मापक सेन्सेटिभ परिसूचक ८.८५ अंकले उकालो लागेर ३६७.७४ मा पुगेको छ। कारोबार भएका कूल १३ उपसमूहको शेयर मूल्यमा नै वृद्धि भएकाले आज बजारमा हरियाली छाएको हो।

कूल ६० लाख ६७ हजार चार सय ३२ कित्ता शेयर दुई अर्ब २० करोड २३ हजार नौ सय ४५ मूल्यमा खरिद बिक्री भएको छ। कारोबारका आधारमा शिवम् सिमेन्ट शीर्ष स्थानमा छ। सो कम्पनीको १० करोड पाँच लाख १५ हजार चार सय ३९ मूल्य बराबरको शेयर कारोबार भएको छ ।

यस्तै, नेपाल दूरसञ्चार कम्पनी आठ करोड ९९ लाख २७ हजार नौ सय ४५, एनआइसी एशिया बैंक रु सात करोड २३ लाख ६१ हजार दुई सय १३, हिमालयन एभरेष्ट इन्स्योरेन्स कम्पनी सात करोड १९ लाख ९७ हजार दुई सय ३३ र हिमालयन डिस्टिलरी छ करोड ७९ लाख छ हजार तीन सय ७५ बराबरको कारोबार भई शीर्ष पाँचभित्र पर्न सफल भएका छन्।

नेप्सेका अनुसार, कालिका लघुवित्त, खप्तड लघुवित्त, आत्मनिर्भर लघुवित्त र सामुदायिक लघुवित्तको शेयर मूल्यमा १० प्रतिशतले वृद्धि भई सकारात्मक सर्किट लागेको छ।

त्यस्तै, रिभर फल्स पावर कम्पनीका लगानीकर्ताले आठ दशमलब ३७ प्रतिशतले कमाएका छन् । सनराइज फस्ट म्युचुअल फण्ड दुई, ग्लोबल आइएमई बैंकको ऋणपत्र १.९८, लक्ष्मी उन्नती कोष १.६५, लक्ष्मी बैंकको ऋणपत्र १.६५ र आर्दश लघुवित्तका लगानीकर्ताले १.२३ प्रतिशतले गुमाएका छन् ।

आजको कारोबारपछि बजार पुँजीकरण २८ खर्ब ३४ अर्ब बराबर पुगेको छ।