०८० को दशकलाई ‘नेपाल भ्रमण दशक’का रूपमा मनाइने

काठमाडौं, जेठ ५ : सरकारले ०८० को दशकलाई ‘नेपाल भ्रमण दशक’ का रुपमा मनाउने घोषणा गरेको छ।

सरकारले नीति तथा कार्यक्रममार्फत २०८०को दशकलाई नेपाल भ्रमण दशकको रुपमा मनाउने घोषणा गरेको हो।

संसदमा सरकारको नीति तथा कार्यक्रम प्रस्तुत गर्दै राष्ट्रपति रामचन्दै पौडेलले भने, ‘वि.सं. २०८० को दशकलाई नेपाल भ्रमण दशकको रुपमा मनाइने छ । सन् २०२५ को वर्षलाई विशेष पर्यटन वर्षका रुपमा मनाइनेछ।’

पर्यटन प्रवर्द्धनका लागि अन्तर्राष्ट्रियस्तरमा चर्चित र ख्यातिप्राप्त व्यक्तिलाई आमन्त्रण गरी पर्यटन प्रवर्द्धनमा जोड दिने गर्ने नीति पनि सरकारले लिएको छ। यस्तै,  पर्यटन प्रवर्द्धनका लागि विभिन्न विधाहरूमा सगरमाथा सम्मानको कार्यक्रम सञ्चालन गर्ने पनि सरकारले घोषणा गरेको छ।